शिक्षा र छात्रवृत्ति

नेपालका धेरै ग्रामीण विद्यालयमा भर्ना दर उच्च छ, तर कक्षा आठपछि उपस्थिति ओरालो लाग्छ। कारण प्रायः पढाइप्रतिको अरुचि होइन — शुल्क, पोशाक, टाढाको यात्रा र घरको आर्थिक भार हो।

हामी विद्यालय व्यवस्थापन समितिसँग मिलेर जोखिममा रहेका विद्यार्थी पहिचान गर्छौं र वार्षिक छात्रवृत्ति, पाठ्यपुस्तक तथा पोशाक उपलब्ध गराउँछौं। साथै स्थानीय शिक्षकहरूलाई तालिम दिई पठनकक्ष र अतिरिक्त कक्षा सञ्चालन गरिन्छ।

प्रत्येक विद्यार्थीको प्रगति त्रैमासिक रूपमा अभिभावक र शिक्षकसँगै समीक्षा गरिन्छ — छात्रवृत्ति दिएर पन्छिने होइन, पास हुँदासम्म साथ दिने हाम्रो प्रतिबद्धता हो।