स्वास्थ्य र पोषण

पहाडी गाउँबाट नजिकको स्वास्थ्य चौकी पुग्न कतै तीन घण्टा हिँड्नुपर्छ। त्यसैले सामान्य रोग पनि ढिलो निदान भई गम्भीर बन्न पुग्छ।

हामी स्थानीय स्वास्थ्य चौकीसँग मिलेर वर्षभरि घुम्ती शिविर सञ्चालन गर्छौं — सामान्य उपचार, आँखा जाँच, गर्भवती महिलाको नियमित परीक्षण र बालबालिकाको पोषण अनुगमन।

शिविर आफैंमा समाधान होइन। त्यसैले हामी महिला स्वास्थ्य स्वयंसेविकाहरूलाई तालिम, सामग्री र यातायात खर्च उपलब्ध गराउँछौं, जसले शिविर सकिएपछि पनि सेवा निरन्तर राख्छ।