विपद् उत्थानशीलता

नेपालमा विपद् अपवाद होइन; तयारीको स्तर मात्र फरक हुन्छ। हामी विपद् आइसकेपछि दौडने संस्था बन्न चाहँदैनौं — त्यसैले काम पूर्वतयारीबाट सुरु हुन्छ।

हरेक कार्यक्रम गाउँमा स्थानीय विपद् व्यवस्थापन समिति गठन, जोखिम नक्साङ्कन, प्राथमिक उपचार तथा खोज-उद्धार तालिम र सुरक्षित स्थान पहिचान गरिन्छ।

विपद् परेको खण्डमा पालिकाको समन्वयमा ७२ घण्टाभित्र खाद्यान्न, त्रिपाल र स्वच्छता सामग्री वितरण गर्ने तयारी अवस्थामा राखिन्छ, र वितरणको पूरा विवरण सार्वजनिक गरिन्छ।