महिला सशक्तीकरण र जीविकोपार्जन

गाउँमा महिलाहरूको श्रम सधैं देखिन्छ, तर आम्दानी र निर्णयमा उनीहरूको नाम विरलै हुन्छ। यो कार्यक्रम त्यही खाडल पुर्ने प्रयास हो।

हामी १५ देखि २५ जनाका बचत तथा ऋण समूह गठन गर्छौं, हिसाबकिताब र समूह सञ्चालनको तालिम दिन्छौं, र समूहले नै छानेका सदस्यलाई साना उद्यमका लागि बीउ पुँजी उपलब्ध गराउँछौं।

तरकारी खेती, सिलाइकटाइ, पशुपालन र होमस्टे — उद्यम जे भए पनि, बजारसँगको पहुँच र हिसाब राख्ने बानी नै दीर्घकालीन सफलताको आधार बन्ने गरेको छ।